Psa 132 | ZomZIV | STEP | Kahtohna la khat. TOPA aw, David le ama thuak haksatna khempeuh phawk in.

aIsa 18:11

Psalms 132

Kahtohna la khat.

1 TOPA aw, David le ama thuak
haksatna khempeuh phawk in. ^a
2 Ama’n TOPA tungah thu ciam-a,
Jacob Thahat Pa tungah kiciamin:
3 “Ka inn sungah lut loin
ka lupna ah zong ka lum kei ding hi - ^b
4 ka mitte ka ihmusak kei dinga,
ka mitkhute ka lususak kei ding hi.
5 TOPA ading mun khat mu-a, ^c
Jacob Thahat Pa ading tenna ka muh mateng ka tuaci ding hi,” ci hi.
6 Eite in Ephrathah ah tua i za-a,
Jaar ^{▼▼ 6 Tua in Kiriah Jearim} gamlak ah i tuak hi: ^{▼▼ 6 Ahikeh Ephrathah ah tua kiza,/ Jaar lote tua i mu hi (tuateh tg. 7 le 9 sungah kam hon/kam khakna om lo)
,} ^f
7 “Ama tenna mun ah pai-in; ^g
a khe ngakna phungah va bia ni - ^h
8 TOPA aw, tho in -
na khawlna munah na hatna singkuangpi tawh hong pai in.
9 Na siampite in thumaanna silh uh henla;
na misiangte in nuamin la sa uh hen,” a ci hi. ⁱ
10 Na nasempa David na khualna-in
na sathau nilhpa nolh kei in.
11 David tungah TOPA kiciam a, ^j
a khel kik loh ding thu ciamin:
“Nangma suante khat ^k
na kumpi tokhom ka luahsak ding hi -
12 na tapate in ka thukhun le
ka hilh ka ngeinakipte a zuih uh leh ^l
na kumpi tokhom ah
a tawntungin tu den ding uh hi,” a ci hi. ^m
13 TOPA in Zion teel khin ahi manin ⁿ
ama ten nadingin deih a: ^o
14 “Hih in a tawntunga ka khawlmun hi den ding hi; ^p
ka deihna mun ahi manin hih lai-ah ka tu ding hi - ^q
15 nek le dawn tampitakin thupha ka pia dinga;
a mizawngte an-in ka taiisak ding hi. ^r
16 A siampite hotkhiatna ka silhsak dinga, ^s
a misiangthote in nuamin la sa den ding uh hi. ^t
17 “Hih lai-ah David adingin ki ^{▼▼ 17 Hih lai-ah Ki in thahatpa lim hi a, tua in kumpi ahi hi} khat ka khangsak dinga ^v
ka sathau nilhpa adingin meivak khat ka tung ding hi. ^w
18 A galte maizumna ka silhsak dinga, ^x
ahi hangin ama lutunga lukhu a taang ding hi,” ci khin hi.